Vlora Marina ka sjellë edhe njëherë në vëmendje rëndësinë që ka promovimi i artit dhe kulturës, duke mbështetur dhe sponsorizuar edicionin e 16-të të Aulona Inter Folk Festival, një eveniment që i paraprin çeljes se sezonit turistik në qytetin bregdetar të Vlorës. Festivali i kthyer tashmë në një traditë është mbajtur për tre ditë me rradhë në sheshin e Flamurit duke e shndërruar qytetin bregdetar në një arenë ndërkombëtare të kulturës dhe traditës folklorike.

Ansamble folklorike nga Shqipëria, Kosova, Maqedonia e Veriut, Hungaria, Italia, Greqia dhe Ukraina kanë sjellë një atmosferë feste jo vetëm në skenë, por edhe në rrugët e qytetit të Vlorës duke shpalosur një pjesë të traditës dhe vlerave të vendit që përfaqësonin. Festivali solli në Vlorë rreth 300 artistë ndërkombëtare të cilët kanë ndezur atmosferën për 4 ditë rrjesht në qytetin bregdetar duke manifestuar trashëgiminë e tyre kulturore.Festivali i organizuar nga Qendra Kulturore Aulona, është mbyllur mbrëmjen e djeshme me dorëzimin e kupës për Ansamblin e Rumanisë të cilët u shfallën fituesit e edicionit të 16-të të Festivalit.

Promovimi i trashëgimisë, traditës dhe zakoneve, si një prej vlerave kryesore që i tërheq turistët e huaj drejt Shqipërisë është vazhdimisht në fokus të Vlora Marina . Një prej qëllimeve kryesore të këtij projekti është gjithashtu zhvillimi i turizmit në vend.